چینی سفیر کی ملاقات، صوبے میں پانی سے 50 ہزار میگاواٹ بجلی پیدا ہو سکتی ہے: پرویز خٹک
پشاور(آن لائن)وزیراعلیٰ خیبر پی کے پرویز خٹک سے چینی سفیر وی ڈونگ نے ملاقات کی ہے جس میں صوبے میں توانائی کے شعبے میں سرمایہ کاری اور باہمی دلچسپی کے امور پر تبادلہ خیال کیا گیا۔وزیراعلیٰ پرویز خٹک نے کہا کہ پاکستان میں اس وقت سب سے بڑا مسئلہ توانائی کا ہے ، خیبر پی کے میں پن بجلی سے 50 ہزار میگاواٹ بجلی بنائی جا سکتی ہے۔ اس موقع پر چینی سفیر وی ڈونگ نے صوبے میں چینی سرمایہ کاری کیلئے رضا مندی ظاہر کی ہے ۔
