چکوال (نامہ نگار) چکوال تلہ گنگ روڈ پر موٹر سائیکل حادثہ کے نتیجہ میں تین نوجوان جاں بحق ہوگئے۔ چکوال کے گائوں بولی بالا کے تین نوجوان موٹر سائیکل پر بلکسر انٹر چینچ کی طرف سے آرہے تھے ان کا موٹر سائیکل کسی چیز سے ٹکرا کیا جس کے نتیجہ میں تینوں نوجوان شدید زخمی ہو گئے۔ ریسکیو ون ون ٹو کے انچارج خرم منظور اطلاع ملتے ہی موقع پر پہنچ گئے، تینوں شدید زخموں سے کوئی بھی زندہ نہ بچ سکا دو نوجوان اشفاق اور عمران تو اتنے بری طرح زخمی ہوئے موقع ہی جاں بحق ہوگئے جبکہ اسماعیل بھی ڈسٹرکٹ ہسپتال پہنچنے تک جاں بحق ہوگیا۔ اطلاع ملتے ہی ان کے لواحقین سمیت علاقہ کے لوگ ہسپتال پہنچ گئے اور وہاں کہرام مچ گیا۔ میڈیکل رپورٹ کے بعد ان میت ورثا کے حوالہ کردی گئی۔