لاہور (آن لائن) پاکستان کرکٹ بورڈ کی سلیکشن کمیٹی کے رکن سلیم جعفر نے کرکٹ سے نا بلند پلیئر اورنامور کمنٹیٹر وسابق ٹیسٹ کرکٹ رمیز راجہ کے بیٹے حیدر رمیز راجہ کو دبائو میں آکرلاہور ویسٹ زو ن کی ٹیم میں منتخب کر لیا ہے ۔ 25سالہ حیدر رمیز راجہ کی لاہور کی جانب سے ڈومیسٹک سطح اور کلب کرکٹ کی سطح پر کوئی پرفارمنس نہیں ہے اور وہ ماڈل ٹاون کرکٹ کلب کی نمائندگی کرتے ہیں جہاں انہیں کلب کرکٹ ٹورنامنٹس میں کھیلنے کا چانس کم ہی ملتا ہے ۔ سینئر انٹرڈسٹرکٹ کرکٹ ٹورنامنٹ کیلئے لاہور کے تینوں زونز کی ٹیموں کے چنائو کیلئے ٹرائلز پی سی بی کے سلیکٹر سلیم جعفر نے لئے جنہوں نے کوچ محسن کمال کی سفارش پر رمیز راجہ کے بیٹے کو دیگر اہل کرکٹرز پر فوقیت دیتے ہوئے لاہور ویسٹ زو ن کی ٹیم میں منتخب کر لیا اور موقف اختیار کیا کہ ان پر بہتر پریشر تھا ۔