راولپنڈی اسلام آباد میٹرو بس منصوبے کا افتتاح 29 مئی کو ہو گا، وزیراعظم تقریب کے مہمان خصوصی ہونگے
اسلام آباد (آن لائن) راولپنڈی اسلام آباد میٹرو بس منصوبے کی افتتاحی تقریب 29 مئی بروز جمعہ شام چار بجے کرنے کا حتمی فیصلہ کر لیا گیا ہے۔ وزیراعظم نواز شریف افتتاحی تقریب کے مہمان خصوصی ہوں گے۔ افتتاحی تقریب اور سکیورٹی انتظامات پر پانچ کروڑ روپے لاگت متوقع ہے سکیورٹی کی ذمہ داری آر پی او راولپنڈی وصال فخر سلطان راجہ کے سپرد کر دی گئی۔
