لاہور (آئی این پی) قومی کرکٹ ٹیم کے نائب کپتان سرفراز احمد اپنی شادی کے صرف دو ہی روز بعد زمبابوے کے خلاف ٹی ٹونٹی میچ کھیلنے لاہور پہنچ گئے۔ انکی پرواز چھ گھنٹے لیٹ ہو گئی۔ میڈیا رپورٹس کے مطابق سرفراز احمد پرواز میں تاخیر کے باعث صبح نو بجے کے بجائے سہ پہر تین بجے کراچی سے روانہ ہوئے۔ سرفراز احمد زمبابوے کے خلاف دو ٹی ٹونٹی میچ کھیلنے کے بعد پچیس مئی کو واپس کراچی جائیں گے جہاں ان کا ولیمہ ہو گا۔ 26 مئی کو ایک روزہ میچوں کے لئے وہ دوبارہ لاہور پہنچیں گے۔