روہڑی: کراچی جانیوالی ہزارہ ایکسپریس پر چھاپہ 30کلو دھماکہ خیز مواد برآمد، ایک ملزم گرفتار
سکھر (نامہ نگار) پولیس نے ٹرین پرچھاپہ مار کر30 کلو دھماکہ خیز مواد سمیت ایک ملزم کو گرفتار کرلیا۔ تفصیلات کے مطابق ریلوے پولیس روہڑی نے خفیہ اطلاع پرکراچی جانیوالی ہزارہ ایکسپریس پر چھاپہ مار کر ایک ملزم کو گرفتار کرکے اسکے قبضے سے تیس کلو دھماکہ خیز مواد بر آمد کر لیا۔ ملزم کو خفیہ اطلاع ملنے کے بعد ریلوے پولیس نے گرفتار کر کے مقدمہ درج کر لیا ہے۔ ملزم راشد قریشی کے قبضے سے ماچس بم اور چاکلیٹی بم کا مواد بر آمد کرکے ایف آئی آر درج کر لی گئی ہے۔
