کراچی (نوائے وقت رپورٹ) ایشین سنوکر چیمپئن شپ میں پاکستان کے محمد آصف نے ایک دن میں دو کامیابیاں حاصل کر لیں۔ نجی ٹی وی کے مطابق محمد آصف نے قطر کے علی العبیدی کو 5-0 اور شام یک عمر الخوجا کو 5-3 سے ہرایا پاکستان کے شہرام چنگیزی‘ حمزہ اکبر اور محمد سجاد بھی فاتح رہے۔ شہرام چنگیزی نے ایران کے حمید زاری دوست کو 5-1 حمزہ اکبر نے قطر کے محمد العبیدی کو 5-1 اور محمد سجاد نے سری لنکا کے محمد افضل کو 5-0 سے شکست دی۔