حافظ آباد کا رہائشی ڈرائیور میانوالی میں ٹرک کو آگ لگنے سے جھلس کر جاں بحق، سپرد خاک
حافظ آباد (نمائندہ نوا ئے وقت) نواحی گائوں سولنگیں کھرل کا رہائشی ڈرائیور میانوالی میں ٹرک کو آگ لگنے کے دوران جھلس کر جاں بحق ہو گیا۔ تفصیلات کے مطابق ٹرک ڈرئیور ریاض احمد توڑی سے بھر ا ٹرک لیکر میانوالی گیا جہاں توڑی کو اچانک آگ لگ گئی۔ ڈرائیور نے ٹرک کو بچانے کی کوشش کی تو وہ بھی اسکی زد میں آکر جھلس گیا اور دم توڑ گیا۔ متوفی کی ہلاکت کی خبر جب یہاں اسکے گائوں میں پہنچی تو گھر میں کہرام برپا ہوگیا۔ بعد ازاں آہوں اور سسکیوں میں اسے مقامی قبرستان سپرد خاک کردیا گیا۔
