کوہاٹ میں گھر کی بوسیدہ چھت گرگئی، 2 خواتین اور بچی جاں بحق
کوہاٹ(نوائے وقت نیوز) کوہاٹ کے نواحی علاقہ گڑھی بہرام خان میں بوسیدہ مکان کی چھت گرنے سے ایک بچی اور 2 خواتین جاںبحق ہوگئی ہیں۔ پولیس کے مطابق نواحی علاقہ گڑھی بہرام خان میں طارق نامی شخص کے خستہ حال مکان کے ایک کمرے کی چھت گرگئی جس سے کمرے میںسوئی ہوئی طارق کی دو بہنیں اور 10 سالہ بیٹی موقع پر ہی جاں بحق ہوگئیں۔ واقعہ کے بعد مقامی افراد نے اپنی مدد آپ کے تحت نعشوں کو نکالا اور قریبی ہسپتال منتقل کردیا، جہاں ضروری کارروائی کے بعد نعشوں کو ورثا کے حوالے کردیا گیا ہے۔
