پھولنگر: ٹائی راڈ کھلنے سے کوسٹر الٹ گئی، ڈرائیور جاں بحق، 15 کمسن طالبعلم زخمی
پھول نگر (نامہ نگار) کوسٹر کا ٹائی راڈ کھلنے سے پندرہ کمسن طالب علم شدید زخمی جبکہ ڈرائیور جاں بحق ہوگیا۔ تفصیلات کے مطابق چک 279گلشن اقبال کالونی عارف والا میں نجی سکول کے پلے تا نرسری گروپ کے طلباء و طالبات سیر کے لئے جارہے تھے۔ عینی شاہدین نے بتایا کہ مانگا منڈی کے قریب گاڑی ٹائرراڈ کھلنے سے الٹ گئی۔ کرین کی مدد سے کوسٹر کو سیدھا کرکے بچوں کو نکالا گیا ڈرائیور اور شدید زخمی بچوں کو لاہور ریفر کردیا گیا معمولی زخمی بچوں کو ٹیچرز کے ساتھ عارف والہ بھیج دیا گیا۔ ہسپتال میں ڈرائیو محمد عمران زخموں کی تاب نہ لاتے ہوئے دم توڑ گیا۔
