پیرس (اے پی پی) پیٹرا کویٹووا، سیرا ایرانی اور جولیا جارجز پیش قدمی کے سلسلے کو بڑھاتے ہوئے فرنچ اوپن ٹینس ٹورنامنٹ ویمنز سنگلز پری کوارٹر فائنل میں پہنچ گئیں۔ فرانس میں جاری سال کے دوسرے گرینڈسلام فرنچ اوپن میں ویمنز سنگلز ایونٹ کے سلسلے میں کھیلے گئے تیسرے رائونڈ میچ میں جمہوریہ چیک کے سٹار پلیئر پیٹرا کویٹووا نے عمدہ کھیل پیش کرتے ہوئے ڈیگو کو 6-3 اور 6-2 سے زیر کر کے پری کوارٹر فائنل میں جگہ بنائی، ایک اور میچ میں اٹالین پلیئر سیرا ایرانی نے پیٹکووک کو 6-3 اور 6-3 سے شکست دے کر پری کوارٹر فائنل تک رسائی حاصل کی، جرمنی کی جولیا جارجز نے فالکونی کو زیر کر کے تیسری رکاوٹ عبور کی۔