شیخوپورہ: موٹر وے پر دھواں پھیلنے سے 5 گاڑیاں ٹکرا گئیں، خاتون جاں بحق، 10 زخمی
شیخوپورہ (نامہ نگارخصوصی) شیخوپورہ کے قریب موٹروے کے اردگرد گندم کی کٹائی کے بعد زمینداروں کی طرف سے بھوسے کو آگ لگانے کے باعث موٹروے پردھواں پھیلنے سے 5 گاڑیاں آپس میں ٹکرا گئیں جس سے ایک خاتون جاں بحق جبکہ 10 سے زائد افراد شدید زخمی ہوگئے جن کو فوری طور پر ڈی ایچ کیوہسپتال پہنچایا گیا جہاں پر حالت تشویشناک ہونے کی بنا پر 2 زخمیوں کو لاہور ریفرکردیا گیا۔ ایک مسافر ویگن کے ڈرائیور نے دھواں میں نظر نہ آنے پر ایمرجنسی بریک لگائی تو اس کے پیچھے پشاور سے لاہور جانیوالی فیملی کی کار ٹکرا گئی جبکہ اسکے پیچھے مزید 4 گاڑیاں ٹکراگئی جس سے پشاور کے رہائشی غلام مجددکی بیوی عظمیٰ بی بی موقع پر جاں بحق ہوگئی جبکہ غلام مجدد شدید زخمی ہوگیا۔ انکے علاوہ نذر حسین، معاویہ، ناصر، سلمیٰ، عابد حسین، انجم، ثمینہ بٹ، فراست بی بی سمیت دیگر زخمی ہوگئے جن کو ڈی ایچ کیوہسپتال شیخوپورہ لایا ان میں سے دو مریضوں کی حالت تشویشناک ہونے کی بناءپر انہیں لاہور ریفرکردیا گیا ہے۔
شیخوپورہ/ موٹر وے دھواں
