لاہور (نمائندہ سپورٹس/سپورٹس رپورٹر) نجم سیٹھی کی دستبرداری اور ظہیر عباس کی انٹر نیشنل کرکٹ کونسل کے صدرکی حیثیت سے نامزدگی خوش آئند ہے۔ ان خیالات کا اظہار ٹیسٹ کرکٹر اشرف علی نے نوائے وقت کے ساتھ گفتگو میں کیا۔انہوں نے کہا کہ ظہیر عباس آئی سی سی کے صدر کی حیثیت سے ملک کی نیک نامی کا باعث بنیں گے۔ سابق ٹیسٹ کرکٹر عامر نذیر نے کہا کہ ظہیر عباس کرکٹ کی عالمی تنظیم کی صدارت کا عہدہ سنبھالنے کے لئے پاکستان کی طرف سے بہترین انتخاب ہیں۔ وہ یقیناً بین الاقوامی سطح پر ملکی مفادات کا تحفظ کرنے میں کامیاب رہیں گے۔ انہوں نے کھیل کے میدان میں بھی ملک کا نام روشن کیا تھا اب ایک منتظم کی حیثیت سے بھی  کامیابیاں سمیٹیں گے۔فاسٹ باؤلر محمد خلیل نے فیصلے کو  ملکی کرکٹ کے لئے ایک اعزاز  قرار دیا ہے۔