حج قرعہ اندازی میں کامیاب ہونے والے امیدواروں سے تفصیلا ت طلب
اسلام آباد (آن لائن) وزارت مذہبی امور و مذہبی ہم آہنگی نے رواں سال حج کے کامیاب امیدواروں کی تفصیلات وصول کرنے کا عمل شروع کردیا ہے ۔ باخبر ذرائع نے آن لائن کو بتایا ہے کہ حج قرعہ اندازی میں کامیاب ہونے والے امیدواروں کو خط کے ذریعے آگاہ کیا گیا تھا اور ہدایات جاری کی گئی تھیں کہ تمام تر تفصیلات جن میں پاسپورٹ سمیت دیگر دستاویزات شامل ہیں وزارت مذہبی امور کو ارسال کی جائیں۔ ذرائع کا کہنا تھا کہ کامیاب امیدواروں کی جانچ پڑتال کا کام آئندہ چند روز میں مکمل کرکے اہل امیدواروں کی فائنل فہرست جاری کردی جائے گی۔
