لاہور(سپورٹس رپورٹر/ نمائندہ سپورٹس) دورہ سری لنکا کی تیار ی کے لئے لاہور میں موجود ٹیسٹ سکواڈ میں شریک کھلاڑیوں نے گذشتہ روز بھی نیشنل کرکٹ اکیڈمی میں انفرادی پریکٹس جاری رکھی۔ کپتان مصباح الحق ،احمد شہزاد ،اظہر علی، محمد حفیظ ،وہاب ریاض ،حارث سہیل،ذوالفقار بابر نے باؤلنگ کوچ مشتاق احمد، اسسٹنٹ مینجر شاہد اسلم اور گرانٹ فلاور کی نگرانی میں ٹریننگ کی ۔ پاکستان کرکٹ بورڈ کی جانب سے دورہ سری لنکا کے لئے پاکستان کرکٹ ٹیم کے سکواڈ کا اعلان کیا جا چکا ہے لیکن اس اہم سیریز کے لئے ٹیم کے تربیتی کیمپ کا باقاعدہ اعلان نہیں کیا گیا ۔ قومی کرکٹ ٹیم تقریباً دو ماہ کے دورہ پر 8جون کو سری لنکا روانہ ہو گی جہاں ٹیم تین ٹیسٹ میچ، پانچ ایک روزہ میچ اور دو ٹی ٹوئنٹی میچوں کی سیریز کھیلے گی۔