لندن (سپورٹس ڈیسک )لیسٹرشائر کاؤنٹی کے چیف ایگزیکٹیو آفیسر وسیم خان نے کہا ہے کہ آج کے کرکٹرز کی اولین ترجیح پیسہ ہے۔ کرکٹرز کی اولین ترجیح ٹی 20 کرکٹ ہے جس میں بہت پیسہ ہے اور چونکہ کرکٹرز کے کریئر بھی مختصر ہوتے جارہے ہیں لہذا وہ پیسہ کمانے کا کوئی موقع ہاتھ سے جانے نہیں دیتے اور ان کرکٹرز کے ایجنٹس بھی انھیں بگ بیش اور دوسری لیگ کھیلنے کا مشورہ دیتے ہیں۔ کرکٹرز سے طویل مدتی معاہدے کرنا آسان نہیں رہا کیونکہ یا تو وہ دستیاب نہیں ہوتے یا پھر وہ کاؤنٹی سے مختصر مدت کے معاہدے میں دلچسپی رکھتے ہیں۔