شیخوپورہ+جھبراں (نامہ نگارخصوصی+نامہ نگار )تھانہ بھکھی کے علاقہ باہڑیانوالہ میں بہنوئی نے فائرنگ کرکے دوسالوں کو موت کے گھاٹ اتار دیا بتایا گیا ہے کہ کاشف کی اپنی بیوی سے تلخ کلامی ہوگئی جس پر اس کی بیوی نے فون کرکے اپنے بھائیوں کو بلوالیا جس پر کاشف مزید مشتعل ہوگیا اور گالم گلوچ کرنے لگا۔ اس دوران کاشف کے سالے شہزاد اور عباس اپنے گائوں کھتری والے سے باہڑیانوالہ آگئے جنہیں دیکھ کر کاشف نے فائرنگ کردی جس سے شہزاد موقع پر ہی جاں بحق جبکہ عباس زخمی ہوگیا جس کو ہسپتال لے جایا گیا مگر وہ زخموں کی تاب نہ لاتے ہوئے راستہ میں دم توڑ گیا بروقت اطلاع کے باوجود بھکھی پولیس ڈیڑھ گھنٹہ بعد جائے وقوعہ پر پہنچی ۔