ڈار ہاکی اکیڈمی کی انڈر 16 ٹیم کو دورہ ہالینڈ کے دوران ایم ای پی کلب نے 4 گول سے شکست دیدی
لاہور (سپورٹس رپورٹر) ڈار ہاکی اکیڈمی کی انڈر 16 ٹیم کو دورہ ہالینڈ کے دوران ایم ای پی کلب نے چار صفر سے شکست دیدی۔ تفصیلات کے مطابق میچ دیکھنے کیلئے مقامی پاکستان شائقین کی ایک بڑی تعداد نے واٹ میں ہاکی گرائونڈ کا رُخ کیا۔ ڈار ہاکی اکیڈمی کی ٹیم کا مقابلہ ایم ای پی کی سینئر بہترین ٹیم کے ساتھ میچ تھا۔ پہلے ہاف میں دونوں ٹیمیں کوئی گول سکور نہ کر سکی۔ دوسرے کوارٹر میں ایم ای پی کلب کی طرف سے دو گول سکور ہوئے۔ تیسرے میں میزبان ٹیم نے ایک اور گول سکور کرکے اپنی برتری بہتر کر لی۔ میچ کے اختتام سے تھوڑی دیر قبل ایم ای پی کے کھلاڑیوں نے پنلٹی کارنر پر چوتھا گول سکور کردیا۔
