پنجاب فیسٹ بال چیمپئن شپ گوجرانوالہ میں کرانے کا فیصلہ
گوجرانوالہ (نمائندہ خصوصی )پنجاب فیسٹ بال ایسوسی ایشن کی جنرل کونسل کا سالانہ اجلاس جنرل سیکرٹری پنجاب فیسٹ بال ایسو سی ایشن کامران اشرف کی زیر صدارت گوجرانوالہ میں ہوا جس میں رمضان المبارک میں فیسٹ بال پنجاب چیمپئن شپ گوجرانوالہ میں کرانے کی منظوری دی گئی اور شہباز ورک کو وائس پریذیڈنٹ پنجاب مقرر کیا گیا۔سپورٹس فیسٹیول میں فیسٹ بال گیم کو بھی نمائندگی دی جائے تاکہ زیادہ سے زیادہ کھلاڑی اس گیم سے مستفید ہو سکیں۔ اس موقع پر چیف ایگزیکٹو پنجاب فیسٹ بال ایسو سی ایشن شعیب ریاض ‘ فیصل انور‘ عبدالصبور اور وحید تنویر بھی شریک تھے۔
