لاہور(سپورٹس رپورٹر)اولمپک سالیڈیٹری فنڈ رگبی ٹریننگ اینڈ ایجوکیشن کورس 2015ء لیول ون کوچنگ کورس مکمل ہو گیا۔ سنگاپور سے آئے ورلڈ رگبی کے سینئر ٹرینر اسماعیل قادر واپس چلے گئے۔ اختتامی تقریب کے مہمان خصوصی پاکستان اولمپک ایسوسی ایشن کے صدر لیفٹیننٹ جنرل (ر) عارف حسن تھے۔ اس موقع پر پاکستان رگبی کے سینئر نائب صدر و سرپرست پنجاب رگبی میجر جنرل (ر) محمد اشرف ، پاکستان رگبی یونین کے صدر فوزی خواجہ، پنجاب رگبی ایسوسی ایشن کے صدر رضوان ملک، پاکستان رگبی یونین کے ممبر ایگزیکٹو کمیٹی خرم ہارون اور رگبی فیملی کے کھلاڑیوں کی ایک بڑی تعداد بھی موجود تھی۔