گلگت (اقبال عاصی) الیکشن کمیشن آف گلگت بلتستان نے عام انتخابات کے 24 میں سے 23 حلقوں پر کامیاب امیدواروں کے سرکاری و حتمی نتائج کا اعلان کردیا ہے جبکہ ایل اے 17 دیامر تین کے نتائج کا اعلان انکوائری کے بعد کیا جائیگا۔ الیکشن کمیشن آف گلگت بلتستان سے جاری بیان کے مطابق جونہی تحقیقات مکمل ہوں گی اس حلقے کے نتائج کا اعلان بھی کردیا جائے گا۔ سرکاری نتائج کے مطابق مسلم لیگ (ن) 14 سیٹوں کے ساتھ سرفہرست جبکہ تحریک انصاف نے1، پیپلزپارٹی 2، مجلس وحدت المسلمین 2، تحریک اسلامی 2، جے یو آئی (ف) نے 1 نشست حاصل کی۔ 2 آزاد امیدوار کامیاب ہوئے۔