کوےت سٹی(عبدالشکورابی حسن سے) مسلم لیگ (ن) یوتھ ونگ کوےت کے صدر عرفان احمد ناگرہ نے گلگت بلتستان میں مسلم لیگ (ن) کی شاندارکامیابی پر گلگت بلتستان کے کوےت میں شہریوں اور یوتھ ونگ کے سیکرٹری اطلاعات شریف حدیثوی گلگت بلتستانی کے اعزاز میں عشائیہ دیا اورانہیں مبارک باد پیش کی جس میں یوتھ ونگ کے عہدیداروں نے بھی شرکت کی جس میںمحمدعمران ،عدیل شہزاد،مثتاق احمد ،ندیم اکبر،شاہنواز مغل ،میاں عرفان ،محمدعمران صدیقی ،رانا شبیر اوررانامشہود تھے ۔ عرفان ناگرہ نے کہاکہ گلگت بلتستان پاکستان کا حسین ترین علاقہ ہے اب یہاں غیر ملکی سیاح آئیں گے اوراس علاقہ کے ترقیاتی اورتعمیراتی کام ہوں گے تاکہ یہ علاقہ اپنے طورپر معاشی طورپر مضبوط ہو ہم پاکستان مسلم لیگ کی قیادت سے مطالبہ کرتے ہیں کہ وہ گلگت بلتستان کو ہنگامی بنیادوں پر فنڈز دے کر یہاں کی تعمیراتی کاموں کا شروع کیاجائے ۔اس موقعہ پر شریف حدیثوی گلگت بلتستانی نے کہاکہ ہم شکرگزارہیں اپنی یوتھ ونگ کی قیادت کے جنہوں ہمیں اس موقعہ پر یادرکھا ۔انہوںنے کہاکہ گلگت بلتستان مسلم لیگ (ن) کا گڑھ ہے جو دعوے دار بنے پھرتے تھے انہیں گلگت بلتستان کی عوام نے ٹھکراکر مسلم لیگ (ن) کی قیادت پر اعتماد کیاہے اورانشاءاللہ تعالی گلگت بلتستان میں میاں محمد نوازشریف کی قیادت میں گلگت بلتستان ترقی کی راہ پر گامزن ہوگا اوریہاں کی عوام کو ان کے حقوق ملیں گے انہوںنے کہاکہ میں ا س موقعہ پر اعلی قیادت سے مطالبہ کرتا ہوں کہ گلگت بلتستان کے باسی جب پاکستان جاتے ہیں تو انہیں اسلام آباد میں کئی کئی دن رکناپڑتا ہے کیونکہ وہاں سے پی آئی اے کی پرواز میں سیٹیں نہیں ہوتی جس سے ہمارا معاشی نقصان اور وقت کا ضیاع ہوتاہے اس لئے اوورسیز گلگت بلتستانیوں کو بھی ان کاحق دیا جائے۔