بھلوال + ڈسکہ +ساہیوال (نامہ نگاران) بھلوال، ڈسکہ، ساہیوال میں 3 لڑکیوں اور 10 سالہ بچے سے زیادتی کی گئی۔ تفصیلات کے مطابق بھلوال میں سلیمانپورہ میں نبیل سمیت 6 افراد نے الوقار ٹائون کی لڑکی اقرا کو اغوا کیا اور ایک کرائے کے مکان میں لے جا کر شراب پلا کر اجتماعی زیادتی کا نشانہ بنایا۔ ڈسکہ میں پولیس رپورٹ کے مطابق موضع گاگا کی رقیہ کی جواں سالہ بیٹی (ث) گھر کے سامنے پلاٹ میں بندھے جانوروں کو پانی پلانے گئی تو وہاں موجود ملزم ریاض نے زیادتی کر ڈالی جبکہ دوسرے واقعہ میں موقع جامکے چیمہ کے شفیق کے 10 سالہ بیٹے (ع) کو قریبی ڈیرہ پر کام کرنے والا ملازم طارق ورغلا پھسلا کر ڈیرہ پر لے گیا اور اپنی جنسی ہوس کا نشانہ بنا ڈالا۔ ساہیوال میں چک نمبر 59 جی ڈی کے نواز وغیرہ پانچ ملزمان نے محمد یٰسین کی جواں سال بیٹی (ش) کو اس وقت اغوا کر لیا جب وہ گھر میں اکیلی موجود تھی چک نمبر 70/4 آر میں محمد حسین وغیرہ تین ملزمان نے کھیتوں میں چارہ کاٹتی ہوئی (ف ب) کو زبردستی پکڑ کر زردکوب کرتے ہوئے زیادتی کر ڈالی۔