لاہور( خصوصی نامہ نگار) انجمن اہلحدیث لاہور کے صدر مولانا فضل الرحمن نے جامع محمدی اہلحدیث سنت نگر فردوس پارک میں اجتماع سے خطاب کرتے ہوئے کہا کہ قرآ ن کی تعلیم حاصل کرنا ہر مسلمان پر فرض ہے اور دنیا اور آخرت میں کامیابی کے لیے صرف قرآن سے رہنمائی لینے کی ضرورت ہے ۔ رمضان المبارک میں نازل ہونے والی یہ آفاقی کتاب ہم سے عمل پیرا ہونے کا تقاضا کرتی ہے ۔ اسے قیمتی غلافوں میں رکھنے کے ساتھ ساتھ ترجمے کے ساتھ پڑھانا اور پڑھنا وقت کا اہم تقاضا ہے ۔ اسے دیگر علوم پر فوقیت دی جانی چاہیئے تاکہ ہم دنیا و آخرت میں سر خرو ہو جائیں ۔