کراچی(آن لائن)سابق صدر پرویزمشرف نے کہا ہے کہ ایم کیو ایم کومحب وطن جماعت سمجھتا ہوں، ہمارے دور میں کراچی کی صورتحال کنٹرول میں تھی ،آصف علی زرداری کی تقریر میں اشارہ میری طرف نہیں تھا دنیا کو پتہ ہے بے نظیربھٹوکے قتل میں کون ملوث ہے ۔نجی ٹی وی سے گفتگو میں انہوں نے کہاکہ 12مئی کو ایک واقعہ ہوا جو افسوسناک ہے، ایسا نہیں ہونا چاہئے، ایم کیو ایم حکومت میں رہی تو گڈگورننس ٹھیک رہی ،بی بی سی رپورٹ پر تحقیقات کیلئے حقائق سامنے لائے جائیں ،جوبھی پاکستانی ہندوستان امداد لیتا ہے سزا کا مستحق ہے جو بھی کرپشن میں ملوث ہے اسے گرفتارکیا جائے ۔