سکھر(آئی این پی )سکھر اور پنوں عاقل میں کچے کے علاقوں میں پولیس مقابلے کے دوران دو ڈاکو ہلاک ہوگئے جبکہ دو کو زخمی حالت میں گرفتار کرلیا گیا۔ایس ایس پی سکھر تنویرحسین تنیو کے مطابق پنوں عاقل میں کچے کے علاقے سدوجا میں ڈاکوؤں کی موجودگی کی اطلاع پر کاررروائی کی گئی۔ اس دوران فائرنگ کے تبادلے میں اشتہاری ڈاکو وہاب جاگیرانی ماراگیا۔ایس ایس پی کاکہناہے کہ ہلاک ڈاکو پولیس کو پچیس سے زائد وارداتوں میں مطلوب تھا۔سکھر میں کچے کے علاقے باگڑ جی میں پولیس مقابلے میں ایک ڈاکو امداد گلو ماراگیا۔مبارک پور تھانے کی حدود میں پولیس مقابلے میں دو ڈاکوؤں کو زخمی حالت میں گرفتار کرکے اسلحہ برآمد کرلیاگیا۔