زرداری کے قریبی ساتھی علی حسن کے گھر چھاپہ، وین میں تبدیل 6 ایمبولینسز برآمد چھاپہ ایف آئی اے نے مارا، ایمبولینسز کو پبلک ٹرانسپورٹ کے طور پر چلایا جا رہا تھا
نوابشاہ (آئی این پی) سابق صدر آصف زرداری کے قریبی ساتھی علی حسن زرداری کے گھر پر ایف آئی اے نے چھاپہ مار کر ضلعی انتظامیہ کی 6 ایمبولینسز کو تحویل میں لے لیا۔ ایمبولینسز کو وین میں تبدیل کر کے نوابشاہ سے سہیون شریف تک پبلک ٹرانسپورٹ کے طور پر چلایا جا رہا تھا۔ نجی ٹی وی کے مطابق سابق پیپلز پارٹی کے دور حکومت میں وزیر برائے بہبود آبادی فردوس عاشق اعوان نے عوامی خدمات کیلئے ضلعی انتظامیہ کو دی تھیں۔
