کراچی: رینجرز کا عزیز آباد ٹیلی فون ایکسچینج پرچھاپہ، ریکارڈ قبضے میں لے لیا
کراچی (نوائے وقت رپورٹ) رینجرز نے کراچی کے علاقے عزیز آباد ٹیلی فون ایکسچینج میں چھاپہ مارا۔ نجی ٹی وی کے مطابق چھاپے کے دوران رینجرز نے ٹیلی فون ایکسچینج کا گھیراﺅ کرلیا اور ٹیلی فون ایکسچینج میںموجود افراد کو باہر نکال کر تلاشی لی۔ رینجرز اہلکاروں نے کمپیوٹرز اور دفتری ریکارڈ بھی چیک کیا۔ ملازمین سے پوچھ گچھ بھی کی گئی۔
