اسلام آباد ( وقائع نگار) اسلام آباد ہائی کورٹ نے عدالتی حکم کے باوجود مغوی وکیل کو بازیاب کروا کر عدالت میں پیش کرنے میں بار بار ناکامی پر آئی جی پولیس کو آج عدالت طلب کر لیا ہے۔ دوران سماعت جسٹس شوکت عزیز صدیقی نے ایس پی ہیڈکوارٹر رانا طاہر خان اور پولیس کی جانب سے کیس میں پیشرفت نہ کرنے پر سخت برہمی کا اظہار کرتے ہوئے ریمارکس دئیے کہ مغوی وکیل کی عدم بازیابی اسلام آبادپولیس کی کارکردگی پر سوالیہ نشان اور منہ پر طمانچہ کے مترادف ہے ، پولیس صر ف عدالت میں من گھڑت کہانیاں سناتی ہے عملی اقدامات نہیں کرتی۔