کراچی (نوائے وقت رپورٹ) ریلوے ذرائع کے مطابق کراچی سے لاہور کے درمیان چلنے والی بزنس ٹرینوں کے کرایوں میں 500 روپے اضافہ کر دیا گیا ہے۔ بزنس کلاس کے کرایوں میں 16 فیصد اضافہ کیا گیا۔ کراچی سے پنڈی جانے والی ٹرینوں کی بزنس کلاس کرایوں میں 550 روپے کراچی اور پشاور کے درمیان چلنے والی ٹرینوں میں 610 روپے اضافہ کیا۔ ٹرینوں کے اکانومی کلاس کے کرایوں میں 3 سے 5 فیصد تک اضافہ ہوگیا ہے۔ کراچی ایکسپریس، تیزگام کے بزنس کلاس کرائے میں 25 فیصد اضافہ کیا گیا ہے۔ کراچی ایکسپریس کے بزنس کلاس کرائے میں 1200 روپے کا اضافہ ہوا جبکہ تیزگام کے بزنس کلاس کرائے میں 1700 روپے کا اضافہ ہوگیا۔
ریلوے /کرایہ