لندن (نوائے وقت رپورٹ) سکاٹ لینڈ یارڈ کے افسروں نے سرفراز مرچنٹ کی رہائشگاہ کا دورہ کیا، سرفراز مرچنٹ نے کہا کہ میں نے اپنی حفاظت سے متعلق تشویش سے پولیس کو آگاہ کیا۔ پولیس کو میڈیا پر دستاویز کے حقائق سے آگاہ کردیا۔ پولیس کو تفصیل سے بتا دیا کہ دستاویز کس نے اور کیسے پھیلائی۔ سکاٹ لینڈ یارڈ نے سرفراز مرچنٹ کی سکیورٹی کا جائزہ لیا۔ پاکستانی میڈیا میں ایم کیو ایم اور منی لانڈرنگ سے متعلق دستاویز پر پولیس نے بات کی۔ پولیس ذرائع نے تصدیق کی ہے کہ سرفراز مرچنٹ کی رہائشگاہ کا گزشتہ روز دورہ کیا۔ دستاویز سامنے آنے کے بعد پولیس سرفراز مرچنٹ کی حفاظت سے متعلق فکرمند ہے۔