لاہور(سپورٹس رپورٹر) ہاکی ورلڈ لیگ میں پانچویں سے آٹھویں پوزیشن کیلئے پاکستان ٹیم آج آئرلینڈ کیخلاف مدمقابل ہوگی۔ پانچویں پوزیشن کا میچ کھیلنے کیلئے آئرلینڈ کو شکست دینا ہوگی۔ قومی ٹیم کے کوچ دانش کلیم نے ٹیلی فون پر گفتگو کرتے ہوئے بتایا کہ آخری دونوں میچ اہمیت کے حامل ہیں جن میں کامیابی حاصل کرنے کے لیے سردھڑ کی بازی لگا دینگے۔ کھلاڑیوں کو اس حوالے سے آگاہ کر دیا ہے کہ اولمپک کوالیفائنگ راونڈ کے آخری دو میچ پاکستان ہاکی ٹیم کے مستقبل کے لیے کتنے ضروری ہیں۔