پسرور+ اوکاڑہ (نامہ نگاران) پسرور، اوکاڑہ میں 2 خواتین ، لڑکی اور ایک بچے سے زیادتی کی گئی۔پسرور کے موضع پھلورہ میں ملزمان عبدالجبارثاقب اعجاز اور رفعیہ بی بی نے مسمی نعمان انور کی جواں سال ہمشیرہ (ز)، موضع متیکے میں محمد بوٹا اور شفاقت نامی ملزمان نے مبینہ طور پر محنت کش محمد نصیر کی بیوی (ر۔ک) کو اغوا کر لیا۔ تھانہ سٹی کی حدود میں افتخار احمد وغیرہ 3 ملزمان نے کھروٹہ سیداں سیالکوٹ سے آنکھوں کا طبی معائنہ کروانے کے لئے آنے والی خاتون (آ) کو لفٹ دینے کے بہانے کار میں سوار کیا اور موضع اونچا پہاڑنگ لے جا کر مبینہ طور پر اجتماعی زیادتی کا نشانہ بنایا۔ تھانہ صدر کی حدود میں بسرا شامے والا گائوں کے اشرف نے (س) سے منہ کالا کیا۔ تھانہ بڈیانہ کے گائوں نوادے ملیاں میں پیش آیا جہاں ملزمان قمر عباس،اسجد اور ارشد نے محنت کش محمد اسماعیل کی بیٹی (ر) کو مبینہ طور پر زبردستی اغوا کیا اور کیری ڈبہ میں سوار کر کے نامعلوم سمت لے گئے۔ پولیس نے پانچوں واقعات کے مقدمات درج کر کے ملزمان کی گرفتاری اور مغویہ خواتین کی برآمدگی کی کوششیں شروع کر دی ہیں۔ علاوہ ازیں اوکاڑہ میں چک نمبر 37-36 ٹو آر اے کے اقبال مسیح کی جواں سالہ بھتیجی (ح) کو ملزمان سنی مسیح، شفقت مسیح، سلیم مسیح وغیرہ زبردستی ایک کار میں اغوا کرکے نامعلوم مقام پر لے گئے جہاں ملزم سنی مسیح کئی روز اسے زیادتی کا نشانہ بناتا رہا۔نواحی قصبہ فتیانہ کے زمان کے 9 سالہ بیٹے گل شیر کو اوباش بابر علی نے زبردستی زیادتی کا نشانہ بنا دیا۔