لاہور (سپورٹس ڈیسک)پاکستان کے اعصام الحق کی جوڑی ومبلڈن اوپن ٹینس ٹورنامنٹ کے ڈبلز مقابلوں میں شکست کھا کر ایونٹ سے باہر ہو گئی۔ اعصام الحق اور لکسمبرگ کے جی ملر پر مشتمل جوڑی کو فرانسیسی جوڑی پی ہربرٹ اور رین ماہوٹ نے نو گیارہ، سات چار، چھ چار اور چھ چار سے شکست دیدی۔ لندن میں جاری ومبلڈن اوپن ٹینس ٹورنامنٹ کے چھٹے روز سوئٹزرلینڈ کے روجر فیڈرر، کروشیا کے ایم سیلک، سربیا کے وی ٹروٹکی، کروشیا کے کارلووک اور سپین کے بوئیٹسٹا آگسٹا نے کامیابی حاصل کر لی۔ آسٹریلیا کے گروتھ، امریکہ کے جے انسر، جرمنی کے ڈی براؤن، فرانس جوالفرائیڈ تسونگا اور جارجیا کے باسیلاشوبھی شکست کھا کر ایونٹ سے باہر ہو گئے۔ سربیا کی جیلینا جانووک نے چیک ریپبلک کی پیٹرا کوئیووا کو تین چھ، سات پانچ اور چھ چار سے ہرا دیا۔ کیرولین وزنائیکی نے اٹلی کی گیارگی کو چھ دو اور چھ دو سے شکست دیدی۔