فیصل آباد (نمائندہ خصوصی) نشاط آباد کے علاقہ میں لین دین کے تنازعہ پر مشتعل نوجوان نے ساتھیوں سے مل کر دو چچازاد بھائیوں کو چھریوں کے وار کر کے قتل کر دیا۔ چک 50 ج۔ب میں علی کا گزشتہ روز چچازاد بھائیوں سلیم اور ندیم کے ساتھ لین دین کے تنازعہ پر جھگڑا ہو گیا جس پر علی اور اس کے ساتھیوں نے غصہ میں آ کر ندیم اور سلیم کو چھریاں مار دیں جن کو الائیڈ ہسپتال منتقل کر دیا گیا جہاں وہ زخموں کی تاب نہ لاتے ہوئے زندگی کی بازی ہار گئے۔ پولیس نے مقتولین کے والدین کی مدعیت میں مقدمہ درج کر لیا۔