فاروق آباد (نامہ نگار) معمولی بات پر دو گروپوں میں جدید اسلحہ سے فائرنگ کے نتیجے میں 3 افراد جاں بحق اور 5 افراد شدید زخمی ہو گئے جبکہ متعدد جانور بھی ہلاک ہوگئے۔ تفصیل کے مطابق تھانہ صدر فارو ق آباد کے علاقہ بُٹر گائو ںمیں حاجی طفیل گجر اورجورا دھیڑ گروپ میں دو سال قبل گائوں کے میلے پر ناچ گانے کی محفل میں جھگڑا ہو گیا تھا اور ان دونوں گروپوں میں رنجش چلی آرہی تھی۔ آج رات دونوں گروپوں کے درمیان فائرنگ ہوئی جس کے نتیجے میں عمران دھیڑ، سلیمان گجر اورمہنگا موچی نامی شخص موقع پر جاں بحق جبکہ مرتضیٰ اور مطلوب سمیت5افراد شدید زخمی ہو گئے۔دونوں گروپوں میں فائرنگ کے نتیجہ میں حویلی میں موجودمتعدد جانور بھی ہلاک ہوگئے۔ تھانہ صدر پولیس نے مقدمہ درج کر کے کاروائی شروع کر دی۔