فیصل آباد+ سرگودھا + ساہیوال + گگومنڈی (نمائندہ خصوصی+ نامہ نگاران) فیصل آباد، سرگودھا، ساہیوال، گگومنڈی میں 2 خواتین، 3 لڑکیوں سے زیادتی کی گئی۔ تفصیلات کے مطابق تھانہ ماموں کانجن کے علاقہ بلھے شاہ کے بشیراحمد کی بیٹی (ذ) کو رجب اور اسکے تین مسلح ساتھیوں نے اجتماعی زیادتی کا نشانہ بنایا۔ تھانہ سٹی تاندلیانوالہ کے علاقہ کی رہائشی (ر) کو ملزم ثمر عباس نے زیادتی کا نشانہ بنایا۔ تھانہ ساہیانوالہ کے علاقہ چک نمبر 23 ج ب شاہد وغیرہ نے (ر)کو اغواء کرلیا۔ تھانہ منصور آباد کے علاقہ عمران وغیرہ نے (ن) اور (ش) کو اغواء کر لیا۔ پولیس نے ابتدائی تفشیش شروع کر دی ہے۔ سرگودھا کے نواحی گائو ں 78 جنوبی میں 15 سالہ لڑکی کو اغوا کر کے اسے اجتماعی زیادتی کا نشانہ بنایا گیا۔ ثناء طارق کے والد محمد طارق نے مقدمہ درج کرواتے بتایا ملزم فیضان عرف جانو اور وحید شاہ نے اس کی بیٹی ثناء طارق سے گن پوائنٹ پر اجتماعی زیادتی کی۔ پولیس نے واقعہ کا مقدمہ در ج کر لیا ہے۔ ساہیوال میں چک نمبر 7/14 ایل سے جاوید اقبال وغیرہ 2 افراد نے (س۔ب) کو اغوا کر کے زیادتی کی۔ علاوہ ازیں گگو منڈی میں محنت کش کی بھتیجی کو اغوا کر کے مبینہ زیادتی کا نشانہ بنا ڈالا۔ ایک عورت سمیت سات افراد کے خلاف مقدمہ درج۔ چک نمبر 219/E.Bکا یوسف شیخ 15جون کو اپنے اہل خانہ کے ساتھ گھر میں سویا ہوا تھا مبینہ طور پر رات 2 بجے کے بقریب علی محمد، شوکت علی، مظہر اللہ رکھا، نور سین اور دو نامعلوم افراد گن پوائنٹ پر اس کی بھتیجی رمضانہ رشید کو اغوا کر کے بہاولنگر لے گئے اور مغویہ کو زبردستی زیادتی کا نشانہ بناتے رہے۔