فلوریڈا(سپورٹس ڈیسک )امریکی ریاست فلوریڈا میں ایک فٹبال کھلاڑی کو خاتون کو ایک بار میں مکا مارنے کی ویڈیو منظر عام پر آنے کے بعد ٹیم سے نکال دیا گیا ہے۔فلوریڈا سٹیٹ یونیورسٹی میں سال پنجم کے انیس سالہ طالب علم ڈی آنڈرے جانسن کو ایک خاتون کو مکا مارنے کے بعد ابتدائی کارروائی کے تحت ٹیم سے معطل کردیا گیا تھا۔ مکا کی ویڈیو وکلا کی طرف سے منظرعام پر لانے کے بعد انھیں ٹیم سے نکال دیا گیا ہے۔ جانسن پر نامناسب رویے اور تشدد کا جرم عائد کیا گیا۔پولیس کے مطابق 21 سالہ خاتون کے چہرہ سوج گیا تھا اور اس پر زخم نمایاں تھے۔