ہنگو: متاثرین اورکزئی کیمپ میں مٹی کا تودہ گرنے سے بچہ جاں بحق، 3 زخمی
ہنگو (نامہ نگار) متاثرین اورکزئی کیمپ ہنگو میں مٹی کا تودہ گرنے سے ایک بچہ جاں بحق اور 3 زخمی ہوگئے، تھانہ صدر پولیس نے بتایا کہ گزشتہ روز متاثرین کیمپ اورکزئی ایجنسی واقع توغ سرائے ہنگو میں مٹی کھودنے والی جگہ پر بچے کھیل رہے تھے ان پر مٹی کا تودہ آن گرا جس کے نتیجے میں عرفان اللہ موقع پر جاں بحق ہو گیا جبکہ 8سالہ بی بی جمیلہ دختر خان شریف، 6سال نور شاد بی بی دختر محمد اسلام، 6سالہ رحید اللہ ولد محمد غنی شدید زخمی ہو گئے۔
