ڈھاکہ (سپورٹس ڈیسک) بنگلہ دیش نے جنوبی افریقہ کو دوسرے ایک روزہ میچ میں 7 وکٹوں سے شکست دے کر سیریز برابر کردی۔ جنوبی افریقہ کی ٹیم 46 اوورز میں 162 رنز بناکر آﺅٹ ہوگئی۔ بنگلہ دیش نے ہدف 3 وکٹوں کے نقصان پر پورا کرلیا۔میچ میں فتح کیساتھ ہی بنگلہ دیش نے چیمپیئنز ٹرافی دوہزار سترہ کیلئے کوالیفائی کرلیا۔ دونوں ٹیموں کے درمیان تین میچز کی سیریز ایک ایک سے برابر ہوگئی۔ سیریز کا آخری میچ پندرہ جولائی کو چٹاگانگ میں کھیلا جائے گا۔