فیروز والا، ننکانہ، اوکاڑہ میں 3 لڑکیوں اور 10 سالہ بچے سے زیادتی
فیروز والا + ننکانہ + اوکاڑہ (نامہ نگاران) فیروز والا، ننکانہ میں 3 لڑکیوں سے زیادتی کی گئی۔ رچنا ٹاؤن کے رہائشی یاسین کی جواں سالہ بیٹی (ح) گھر میں اکیلی تھی ان کے ہمسایہ نوجوان بلال اسلم نے زیادتی کر ڈالی۔ پولیس کے مطابق ملزم کو حراست میں لے لیا ہے۔ لاہور روڈ کی آبادی میں ریاست نے محنت کش کے گھر میں داخل ہو کر اس کی بیٹی (ت) کے ساتھ زبردستی زیادتی کی۔ علاوہ ازیں ننکانہ صاحب میں نواحی گائوں مارٹن پور کے عارف حسین کی شادی 12سال قبل مسرت غفور سے ہوئی تھی۔ ایک سال قبل عارف حسین اپنے تین بھائیوں اسلم، طارق، ارشد اور والد محمد حسین کے ہمراہ چک نمبر 563 گ ب تحصیل جڑانوالہ میں اپنی سالی بیوہ فردوس کی جواں سالہ بیٹی نور فاطمہ کو اپنے گھر میں کام کاج کے بہانے وہاں سے لے آیا، ملزم عارف حسین کئی ماہ تک نور فاطمہ سے زیادتی کرتا رہا۔اوکاڑہ میں اوباش شخص نے گن پوائنٹ پر 10 سالہ بچے کو زیادتی کا نشانہ بنا دیا۔ نواحی قصبہ کوہلہ کے احمد حسن کا بھانجا محمد اسلم گلی میں کھیل رہا تھا اسے اوباش عدنان ورغلا پھسلا کر اپنے گھر لے گیا، پرزیادتی کر ڈالی۔
