گجرات کو خوبصورت بنانے کیلئے تمام تر صلاحتیں بروئے کار لائی جارہی ہیں
گجرات ( نامہ نگار) پاکستان مسلم لیگ (ن) کے رہنما و چیئرمین ڈویلپمنٹ اینڈ بیوٹیفکیشن کمیٹی گجرات حاجی اورنگ زیب بٹ نے ’’نوائے وقت ‘‘ سے گفتگو کرتے ہوئے بتایا کہ شہر کو خوبصورت گجرات بنانے کیلئے تمام تر صلاحتیں بروئے کار لائی جارہی ہیں پہلے مرحلے میں ڈھیر وگھنہ پھاٹک کے جنگل بنے علاقے کی تزئین و آرائش کر تے ہوئے دونوں اطراف پھولدار پودے اور رنگ و روغن کر کے داخلی راستے کو ہر لحاظ سے مثالی بنایا گیا ہے جس کے بعد بھمبر روڈ پر قائم تجاوزات بھی ہٹا کر ڈیوائیڈ اور فٹ پاتھ واگزر کروا کے سڑک کو نہ صرف کھلا کیا گیا بلکہ مذکورہ سڑک کو پودے لگا کر چمکا دیا گیا۔
