کراچی (نوائے وقت رپورٹ) حساس اداروں نے مبینہ ٹائون تھانے کے قریب سیاسی جماعت کے دفتر پر چھاپہ مارکر اسلحہ کے تین بیگ برآمد کر لئے اسلحے میں ایل ایم جی، کلاشنکوف، ریپٹر اور بڑی تعداد میں گولیاں شامل ہیں۔ گرفتار ملزم کی نشاندہی پر دفتر پر چھاپہ مارا گیا۔ دریں اثناء کائونٹر ٹیررزم ڈیپارٹمنٹ نے بلدیہ ٹائون سے کالعدم تحریک طالبان سواتی گروپ کے کمانڈر عقیل نواب کو گرفتار کر لیا جو مالاکنڈ یونیورسٹی اور شموزئی پولیس تھانہ پر بم حملوں میں ملوث ہے۔ ملزم کا عدالت سے 10روزہ ریمانڈ حاصل کر لیا گیا۔