لاہور(سپورٹس رپورٹر) کھیلوں کی تنظیموں کے دفاتر بھی آج سے کھلنا شروع ہو جائیں گے۔ رمضان المبارک کے بعد عید کی چھٹیوں کی وجہ سے کھیلوں کی سرگرمیاں ختم ہو کر رہ گئیں تھیں جنہیں کھیلوں کی تنظیموں کے عہدیداران ایک مرتبہ پھر شروع کرنے کے لئے حکمت عملی تیار کرینگے۔ بھارتی اولمپک ایسوسی ایشن نے اگلے سال جنوری کے دوسرے ہفتے میں 12 ویں ساوتھ ایشین گیمز کے انعقاد کا شیڈول جاری کر دیا ہے کھیلوں کی تنظیمیں ان گیمز میں اپنی ٹیموں کی شرکت کی یقینی بنانے اور اس کی تیاریوں کے حوالے سے تربیتی کیمپس کے شیڈول بنائے جائیں گے۔