نوشہرو فیروز (این این آئی)قومی اسمبلی میں اپوزیشن لیڈر خورشید شاہ نے کہا ہے کہ سندھ میں رینجرز کے اختیارات میں توسیع خوش آئند اقدام ہے۔ الطاف حسین کبھی بھی بھوک ہڑتال نہیں کرسکتے یہ بھی محض ایک سیاسی اعلان ہے۔ تقریب سے خطاب کرتے ہوئے خورشید شاہ نے کہا کہ پیپلز پارٹی چاروں صوبوں کی زنجیر ہے۔ پیپلز پارٹی کو عوامی مینڈیٹ حاصل ہے ہم پر انگلیاں اٹھانیوالے جان لیں کہ چار انگلیاں انہی کی طرف بھی اٹھتی ہیں۔ انہوں نے کہا کہ ایم کیو ایم کے قائد الطاف حسین کبھی بھی بھوک ہڑتال نہیں کر سکتے یہ سیاسی بیان کارکنوں اور عوام کی ہمدردی حاصل کرنے کیلئے دیا گیا۔ اپوزیشن لیڈر نے کہاکہ ملک پر اگر کوئی آنچ آئی تو پیپلز پارٹی کا ایک ایک جیالا اپنی جان نچھاور کر دیگا۔