راولپنڈی (اے پی پی) ضلع کچہری راولپنڈی اور جناح پارک کے سامنے کریکر دھماکے سے خوف و ہراس پھیل گیا۔ بم ڈسپوزل سکواڈ‘ ریسکیو 1122 اور دیگر قانون نافذ کرنے والے اداروں نے جائے وقوعہ سے بارودی مواد کے شواہد محفوظ کر لئے جنہیں فرانزک جائزہ کے لئے لیبارٹری بھجوا دیا گیا ہے۔ دھماکے کی آواز اس قدر شدید تھی کہ اس کی دھمک دو کلومیٹر کے طول و عرض میں سنائی دی گئی۔ کسی جانی و مالی نقصان کی اطلاعات موصول نہیں ہوئی ہیں۔