کوہاٹ: ڈیڑھ سالہ بچہ پانی سے بھری بالٹی میں ڈوب کر جاں بحق
کوہاٹ (این این آئی) ڈیڑھ سالہ بچہ بالٹی بھر پانی میں ڈوب کر جاں بحق ہوگیا۔ نواحی علاقہ پہلوان بانڈہ کے آصف حسین کا ڈیڑھ سالہ بیٹا مہران گھر کے غسل خانے میں بالٹی میں پانی بھر کر کھلونوں سے کھیل رہا تھا اچانک سر کے بل بالٹی میں گر کر پانی میں ڈوب گیا اور وہ جاں بحق ہوگیا۔ ذرائع کے مطابق گھر کے اہلخانہ بچے کو کافی دیر تک تلاش کرتے رہے اور بالآخر غسل خانے کے اندر بالٹی سے اس کی نعش ملی تو ان کے گھر میں اچانک ماتم برپا ہوئی۔ بچے کی لاش کو پوسٹ مارٹم کیلئے لیاقت میموریل وومن اینڈ چلڈرن ہسپتال لایاگیا جہاں موت کی تصدیق کے بعد لاش ورثاء کے حوالے کر کے بعد ازاں اپنے آبائی قبرستان میں سپرد خاک کر دیا گیا۔
