لاہور (خبر نگار) لاہور ائرپورٹ پر شاہین ائر لائنز کی پروازوں میں تاخیر کا سلسلہ بڑھتا جا رہا ہے گزشتہ روز شاہین ائر لائنز کی دبئی جانیوالی پرواز سوا سات گھنٹوں کی تاخیر سے شام سات بجے روانہ ہوئی جبکہ دبئی سے شام ساڑھے سات بجے آنیوالی پرواز ساڑھے چار گھنٹوں کی تاخیر سے رات 12 بجے واپس پہنچی کوئٹہ جانیوالی شاہین ائر لائنز کی پرواز 2 گھنٹوں کی تاخیر سے روانہ ہوئی جبکہ کراچی سے صبح 9 بجکر 45 منٹ پر آنیوالی شاہین ائر لائنز کی پرواز سوا پانچ گھنٹوں کی تاخیر سے لاہور پہنچی۔