شیخوپورہ + فیروزوالا + تتلے عالی (نامہ نگار خصوصی + نامہ نگاران) شیخوپورہ، فیروز والا اور تتلے عالی میں 8 سالہ سمیت 2 بچوں، لڑکے اور 3 لڑکیوں سے زیادتی کی گئی۔ گوجرانوالہ روڈ کی آبادی شیش محل میں ایک شادی شدہ شخص نے اپنے 8 سالہ برادر نسبتی کو گھر بلا کر زیادتی کا نشانہ بنا دیا۔ پولیس نے لڑکی کی والدہ کی رپورٹ پر اس کے داماد ابوبکر کے خلاف مقدمہ درج کر لیا ہے۔ محلہ رحمان پورہ میں محنت کش امانت علی کے کم عمر بیٹے کو نامعلوم شخص اغواءکر کے موٹر سائیکل پر لے گئے اور زیادتی کر ڈالی۔ نواحی گاو¿ں چڈیالہ کلاں کے محنت کش ندیم کے 10 سالہ بیٹے حشام جو قوت گویائی سے محروم ہے نوجوان وقار عرف حمزہ بہلا پھسلا کر لے گیا اور مبینہ طور پر زیادتی کر ڈالی۔ علاوہ ازیں فیروزوالا میں اوباش نوجوان تجمل نے بازار میں سودا خریدنے کےلئے آنے والی لڑکی (خ) کو زبردستی اغواءکے بعد ملزم چار روزتک زیادتی کرتا رہا۔مرید کے پولیس نے مغویہ کے باپ رشید کی رپورٹ پر مقدمہ درج کر لیا ہے۔ تھانہ بی ڈویژن کے علاقہ میں فیاض نے محنت کش کی بیٹی (ف) سے زیادتی کر ڈالی۔ قصبہ مرادے میں عبدالجبار نے سرور کے گھر داخل ہو کر اس کی بیٹی (س) سے زیادتی کر ڈالی۔ پولیس نے مقدمات درج کر لئے ہیں۔