لاہور (نیوز رپورٹر) لاہور میں بجلی کی لوڈشیڈنگ کا سلسلہ جاری ہے۔ لیسکو بجلی کی کمی کو پورا کرنے کے لئے 4گھنٹے تک بجلی بند کر رہی ہے۔ لیسکو حکام نے بتایا ہے کہ گھریلو صارفین کی 4گھنٹے تک بجلی بند کر رہی ہیں جبکہ لیسکو کی حدود میں انڈسٹری کو مسلسل بجلی فراہم کی جا رہی ہے۔ لیسکو انتظامیہ کی عدم توجہ سے اقبال ٹاﺅن، بند روڈ، مصری شاہ، فیض باغ، چائنہ سکیم، داروغہ والا، جوہر ٹاﺅن، اچھرہ، نشتر ٹاﺅن، شاہدرہ اور دیگر علاقوں میں بارش کے باعث خراب ہونے والے فیڈرز مکمل طور پر ٹھیک نہیں ہوئے جبکہ بجلی کے کم وولٹیج کا مسئلہ بھی شدت اختیار کر گیا جس سے صارفین کی الیکٹرانک اشیا جلنا شروع ہو گئیں۔ صارفین نے چیف ایگزیکٹو لیسکو سے مطالبہ کیا ہے کہ ان مسائل کا فوری حل کیا جائے۔
لوڈشیڈنگ جاری